Oud-burgemeester van Musina oorlede

News - Date: 23 January 2012

Written by: Andries van Zyl / Viewed: 472

 

Familie en vriende het gedurende Desember met hartseer afskeid geneem van mnr. Hennie Kloppers (74), ‘n oud-burgemeester van Musina.

Kloppers is op 13 Desember na ‘n lang siekbed oorlede. Hy en sy oorlede eggenote, Annatjie, was woonagtig in Musina vanaf die vroeë sestigerjare.

Kloppers begin werk as boekhouer vir oorlede mnr. Hugh Sheldon van Sheldon en Prinsloo. Gedurende die sewentiger jare neem Kloppers die firma by Sheldon oor. Hy doen boeke tot in 2001, waarna hy die firma verkoop aan mnr. Jan Hofmeyr. Hy hou egter aan om boeke vanaf die huis vir ‘n paar kliënte te doen tot in 2008, waarna sy oë hom in die steek laat en hy finaal op pensioen gaan.

Kloppers het ook vanaf 1969 tot 1995 as raadslid op die destydse Messina Munisipale Raad gedien. Vanaf 1972 tot 1987 word hy ook vier keer as burgemeester van dié grensdorp verkies, asook vanaf 1971 tot 1986 vier keer as voorsitter van die Raad se bestuurskomitee. Hy het in 1995 as raadsheer van die munisipaliteit bedank.

Kloppers het ook vir vier dekades op die kerkraad van die Hervormde Kerk in Musina gedien. Hy was ‘n ywerige sportman en het vir die dorp ringtennis gespeel, asook haker vir die dorp se rugbyspan gedurende die sestigerjare.

‘n Roudiens is op 19 Desember vanuit die Hervormde Kerk Messina-gemeente vir wyle mnr. Kloppers gehou onder leiding van ds. Rademeyer. Hy word oorleef deur twee dogters, Trudie en Anja, drie kleinkinders en twee agterkleinkinders.

0 Comments

To leave a comment you need to login / register first

Readers are encouraged to comment on articles and express their opinion. The views expressed by readers should in no way be perceived as necessarily that of the newspaper or its staff members. Comments may be pre-moderated by our team and if found offensive, be removed.

When commenting, please respect others. Be polite to all the members of our community, including other commenters, authors and the subjects of articles. We believe strongly that the Zoutnet group of websites should be a safe and welcoming space for all individuals, groups and their ideas. As such, any rudeness, insults, hate speech, hostility, or language that incites racism or unfair discrimination may be removed and you may lose your ability to comment. 

Search for a story:

Wyle mnr. Hennie Kloppers (74). Foto verskaf.
 

 

Andries van Zyl

Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.

Email: andries@zoutnet.co.za

Recent Articles