Vriendelike Freek skielik oorlede

Familie en vriende het met skok verneem van die skielik dood van mnr. Freek Wepener (56) van Makhado (Louis Trichardt).

Freek se eggenote, Alet, het net na middernag Dinsdag, 15 Julie, wakker geword en gehoor haar eggenoot haal vreemd asem. Sy het hom probeer wakker maak en dadelik met noodhulp begin. Intussen kon sy daarin slaag om ook hul kinders te skakel, maar met hul aankoms by die huis was Freek reeds oorlede.

Freek was ‘n boorling van die Soutpansberg en was veral bekend in die plaaslike sekuriteitsbedryf. Hy was jare lank verbonde aan Executive Protection. Vir sowat 11 jaar was hulle woonagtig in Richardsbaai, maar het einde verlede jaar weer na Makhado (Louis Trichardt) teruggekeer. Die laaste paar maande was hy ‘n bekende gesig by OK Grocer. Freek was 'n baie beskeie, nederige mens wat almal met vriendelikheid hanteer het.

Wyle Freek sal Saterdag, 19 Julie, om 14:00 vanuit die AGS Kerk in Munnikstraat begrawe word. Hy word oorleef deur sy eggenote, seun Naas, dogter Louisa, skoonseun Rudolph, skoondogter Belinda en vier kleinkinders.

Die familie het hul opregte dank uitgespreek teenoor Maud Myburgh wat hulle by die huis bygestaan het tot in die vroeë oggendure, Martin’s Funerals vir die reëlings en bystand, asook Sergio van OK Grocer vir al sy hulp en bystand.

News - Date: 18 July 2014

Andries van Zyl

Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.

Email: [email protected]