Search for a story:

Duiwe vlieg lang pad vanaf Parys

Sport - Date: 20 June 2019

Written by:  / Viewed: 285

 

Lede van die Hangklip Posduifklub het mekaar weer die afgelope naweek die stryd aangesê in hulle volgende wedvlug vanaf Parys in die Vrystaat.

Soos gewoonlik is ‘n jaaroud- en opewedvlug beslis met die eerste 10 plekke wat telkens in elke wedvlug vermeld word.

Die jaaroudwedvlug is gewen deur Ben en Marian Pienaar, nadat hul wenduif die afstand voltooi het met ‘n wenspoed van 1 361.27 meter per minuut. Hulle was ook 10de. Sekelbos Hokke was 2de en 3de, RWJ & Mike Coetzee 4de en 6de, Mieke & Mike Coetzee 5de, 7de en 8ste en Julius Pienaar 9de.

In die opewedvlug was dit Mieke & Mike Coetzee wat met die louere weggestap het, nadat hulle wenduif die afstand voltooi het met ‘n spoed van 1 384 meter per minuut. Hulle was ook 4de. G Bezuidenhout was 2de, RWJ & Mike Coetzee 3de, Ben & Marian Pienaar 5de en Nico Bezuidenhout 6de, 7de, 8ste, 9de en 10de.

Met die wedvlugseisoen in volle swang beklee G Bezuidenhout ‘n eerste plek op die klub se punteleer met 359 punte. In die tweede plek is Nico Bezuidenhout met 351 punte, gevolg deur Mieke & Mike Coetzee in die derde plek met 344 punte. Die vierde tot negende posisies word beklee deur Ben & Marian Pienaar (339), RWJ & Mike Coetzee (339), Julius Pienaar (325), TE Smit (312), Sekelbos Hokke (305) en Erasmus Hokke (146).

Eerskomende naweek vlieg die klub vanaf Ventersdorp oor ‘n afstand van sowat 485 km. Buiten vir die jaaroud- en opewedvlug, sal die klub ook die naweek hulle tweede veilingwedvlug van die jaar beslis. Vir meer inligting hieroor en die klub se bedrywighede, skakel Ben Pienaar by tel. 083 257 3259.

 

0 Comments

To leave a comment you need to login / register first

Readers are encouraged to comment on articles and express their opinion. The views expressed by readers should in no way be perceived as necessarily that of the newspaper or its staff members. Comments may be pre-moderated by our team and if found offensive, be removed.

When commenting, please respect others. Be polite to all the members of our community, including other commenters, authors and the subjects of articles. We believe strongly that the Zoutnet group of websites should be a safe and welcoming space for all individuals, groups and their ideas. As such, any rudeness, insults, hate speech, hostility, or language that incites racism or unfair discrimination may be removed and you may lose your ability to comment. 

 

 
 

Email:

Recent Articles