ADVERTISEMENT:
Hoërskool Eric Louw in Musina is na afloop van verlede jaar se senior eksamen deur die Departement van Onderwys aangewys as een van die top 30 skole in die Limpopo Provinsie. In die foto verskyn die skoolhoof, mev. Cobie Mostert (regs), met die trofee wat die skool ontvang het. Links staan Julia Davies, die skool se top matriekpresteerder, met ses onderskeidings. Julia gaan aan die Universiteit van Rhodes studeer vir haar B.Sc-graad in Omgewingstudies. Foto verskaf.
Eric Louw weer een van top Lim-skole
News Date: 18 January 2013
Hoërskool Eric Louw in Musina is weereens as een van die top 30 skole in die Limpopo Provinsie aangewys.
Tydens die bekendmaking van die November 2012 provinsiale uitslae by The Ranch Hotel buite Polokwane, het Eric Louw ‘n trofee en sertifikaat ter erkenning van die uitstaande prestasie behaal.
Hierdie toekenning is verwerf op grond van die skool se slaagsyfer van 96.9 %, met slegs twee druipelinge uit die groep van 64.
Volgens die hoof, mev. Cobie Mostert, het die matrieks en personeel baie hard gewerk en is hulle baie dankbaar vir die leerlinge se prestasies.
“Ons is baie bly om voort te bou op ‘n trotse tradisie, aangesien die skool die afgelope paar jaar telkens deel is van die groep topskole in die Limpopo Provinsie,” het Mostert gesê.
Written by
Andries van Zyl
Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.
ADVERTISEMENT: