MALADANI – Vhathu vhanzhi a vha tami u di badekanya na vumba nga u shavha hone u tswukala.

Hone-ha kha mukegulu Vho-Tshinakaho Luvhengo (59) vha muvhunduni wa Maladani, tsini na Tshilamba, vumba ndi lone khonani yone-yone ngauri li ita uri vha si lalele luvhondo mutani wavho. Mukegulu avha ndi muvhumbi wa dzikhali, mvuvhelo, zwidudu, ndongwana na khali dza maluvha (flower pots) ane a vha na tshenzhemo ya minwaha ya fumbili kha mushumo uyu. Vho-Tshinakaho vha tutuwedza mirado ya tshitshavha uri vha diitele mishumo saizwi muvhuso u si nga si zwi kone u thola vhathu vhothe vha si na mishumo.

Gurannda ino yo dalela Vho-Tshinakaho he ra reswa nga zwivhumbwa zwa mateletele u bva khoroni u swika mutani wa mudi uyo.

Vha talutshedza he vha thoma hone lwendo lwavho lwa u vhumba:

“Ndo gudiswa u vhumba nga musadzi-wa-vhane Vho-Nyadenga Mbambale minwaha ya fumbili yo fhiraho. U rangani ndo zwi dzhia sa madze, fhedzi ndo do zwi vhona uri mukegulu avho vho mpha ifa li sa sini…”

Vho-Tshinakaho vhari khaedu ine vha vha nayo ndi yauri afho kha muvhundu une vha dzula khawo, a hu na vumba.

“Naho ndi si na tshinamelo tshanga, ndi kombetshedzea u fara lwendo lulapfu lwa u tevhela vumba ngei Mangondi. Fhedzi arali ndo nongola vumba lo thanyaho, ndi a kona u vhumba zwivhumbwa zwa mahumi mararu nga duvha. A zwi leluwi u vhumba saizwi musi ndo no fhedza zwivhumbwa zwanga ndi tshi tea u zwi fhisa nga mulilo uri zwi khwathe. Zwi toda vhutali, vhudifhinduleli na vhuroßwane uri muthu a kone u bveledza zwivhumbwa zwo nakaho. Zwivhumbwa zwanga zwi thoma kha rannda thanu (R5) u swika kha rannda dza fusumbe (R70) zwi tshi bva kha vhuhulwane hazwo.”

Vho-Tshinakaho vhari vha dinwa ngauri vhaswa vha ano maduvha a vha todi u guda mishumo ya zwanða nga hone vhubva.

“Naa zwino rine ri tshi pfuka kha lino shango vhutsila hashu vhu do sala na vhonnyi? Vhaswa kha vha dzhenelele kha mishumo ya zwanda u itela u bveledza lushaka lwa matshelo.”