Vier voertuie het Maandagoggend in die slag gebly op die pad vanaf Louis Trichardt na Thohoyandou.

Volgens inligting deur die polisie verskaf, is dit 'n wonder dat niemand ernstig in die ongeluk beseer is nie. Die ongeluk het sowat 15 km van Louis Trichardt plaasgevind.

Plaaslike polisiewoordvoerder konst. Irene Radzilane het Dinsdag bevestig dat die oorsaak van die ongeluk  ondersoek word. Daar word vermoed dat ‘n Eskom-diensvoertuig, op pad na Thohoyandou, ‘n voertuig voor hom verbygesteek het op ‘n blinde hoogte. Weens die skerp son het die bestuurder waarskynlik nie ‘n aankomende bakkie gesien nie en die twee voertuie het gebots. 

Die voertuig wat deur die diensvoertuig verbygesteek is, het buite beheer geraak, oor die pad getol en binne in ‘n diep sloot langs die pad beland.  In dié proses was 'n vierde voertuig ook in die botsing betrokke.