TSHITEREKE – “Vha bikela vhunanga, vhutsila vha vhona nga mato. Arali ra sa tou divusa rine vhane ra diitela mishumo, ri do lovha rothe na vhana nga nwambo wa vhushai.”

Ayo ndi maipfi a thuthuwedzo a bvaho kha Gregory Rangolo (32), wa Tshitereke, nnda nyana ha dorobo ya Thohoyandou, ane a khou diitela dzina nga vhutsila hawe ha u ita zwuvhumbwa zwa matombo.

Kha nyambedzano ye Gregory a i fara na ino gurannda, o sumbedzisa uri vhutsila hawe o vhu thoma nga ßwaha wa 2000 nga mulandu wa hone u shayeya ha mishumo kha lino lahashu.

“Muhumbulo wa u shuma nga matombo wo da musi ndo elekanya u divhambela maano a u tshidza nne mune, ngeno ndi tshi khou isa tshumelo kha lushaka. A hu na we a mpfunza vhutsila uvhu, ndo tou digudisa zwoþhe u swika ndi tshi vhina kha mushumo uyu.”

Gregory u talutshedza Mirror uri zwivhumbwa zwawe zwa matombo u zwi itisa hani: “Ngauri a thina tshiendedzi, ndi shumisa wioibara yanga u hwalela matombo tshikwarani tsha tsini. Nga hone u shayeya ha masheleni a u fhata tshifhato tsha u shumela, ndi kombetshedzea u shumela henefho mutani wanga. Ndi shumisa hamula, tshizela na mugwala u ita uri tombo li vhe kha tshivhumbeo tshine nda toda tshone. Musi ndo no fushea uri tombo li zwine nda khou toda zwone, ndi shumisa pennde zwayo u li nea muvhala u kungaho mato a vhathu.”

Gregory uri mushumo wawe u a vhavha vhukuma saizwi a tshi dzulela u dikanda na u dihuvhadza nga matombo musi o theutshela.

“A zwi leluwi u shuma na matombo saizwi e khombo vhukuma. Zwi a itea ha fhela tshifhinga tshilapfu ndi sa wani vharengi vha zwivhumbwa zwanga, zwine zwa ita uri tshikwamani tshanga hu vhe mabuli fhedzi lwa tshifhinga tshilapfu.”

Zwivhumbwa zwa Gregory zwi katela vhathu, phukha, khali dza u vhea maluvha na mateletele a u nakisa ngadeni. Zwi thoma kha R70, fhedzi hu a di vha na nyambedzano, zwi tshi bva khauri murengi u khou toda tshivhumbwa tsho hu-laho u swika ngafhi.