Plaasarbeiders het Maandag op ‘n gru-vonds afgekom op ‘n plaas naby Louis Trichardt.

Volgens provinsiale polisiewoordvoerder lt-kol. Moatshe Ngoepe het die arbeiders vroeg Maandagoggend afgekom op die geraamte van ‘n onbekende persoon op die plaas Plaaspoort, sowat 32 km suid van Louis Trichardt.

Ngoepe het gesê dat die geraamte ‘n paar bruin Nike-tekkies, ‘n blou werksbaadjie en twee paar broeke aangehad het. ‘n Geregtelike doodsondersoek is geopen om die oorsaak van die persoon se dood en identiteit te bepaal.

Die polisie het ook ‘n beroep gedoen op mense wat dalk meer inligting het oor die saak om na vore te kom. Inligting kan deurgegee word deur die Makhado Polisie se aanklagkantoor te skakel by tel. 015 519 4300.