ADVERTISEMENT:

 

Reddingwerkers is besig om die 79-jarige mnr. Dirk du Preez uit sy voertuig te sny, nadat hy in Industriastraat in 'n botsing met ‘n bus betrokke was.

Bekende sakeman beseer in ongeluk

 

‘n Bekende sakeman van Louis Trichardt, die 79-jarige mnr. Dirk du Preez, is laat Vrydagmiddag ernstig beseer tydens ‘n semi tromp-op botsing met ‘n bus in Industriastraat.

Die ongeluk het net na 16:00 plaasgevind. Die omstandighede wat gelei het tot die ongeluk sal deur die polisie ondersoek word.

Mnr. Du Preez is deur die impak van die botsing in sy voertuig vasgepen en reddingswerkers moes hom uit sy voertuig sny. Plaaslike medici was egter op die toneel om hom deurlopend by te staan.

Nadat mnr. Du Preez uit die wrak van sy voertuig gesny is, is hy per ambulans deurgejaag na die Zoutpansberg Privaathospitaal.

“Ons is nou by die hospitaal en hulle stabiliseer hom net. Sy been is af, sy arm is af, sy sleutelbeen is af en hy het snye… hulle kyk nog wat alles verkeerd is en dan stuur hulle hom Polokwane toe,” het sy seun, Dirk junior, kort na die ongeluk gesê. Hy het bygevoeg dat sy pa operasies sal moet ondergaan, maar dat dokters tevrede is dat hy nie te ernstige bors- en kopbeserings het nie.

“Wat my bly maak is dat hy my herken,” het Dirk (junior) gesê.

 

News - Date: 19 January 2018

Recent Articles

Search for a story:

 

Die bus waarmee mnr. Du Preez gebots het, het geringe skade gehad.

 

ADVERTISEMENT

 

Andries van Zyl

Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.

Email: [email protected]

ADVERTISEMENT: