‘n Interessante "kanondop" was die breinkind van Hollandse vriende van die Skermutselingsmuseum. Die dop het twee gleufies vir donasies sodat elkeen kan besluit om sy donasie by die Boere of die Britse kant in te gooi.

Die idée is deur Charles Leach uitgevoer tot groot tevredenheid van Jan en  Marijke van Braak, die Hollandse vriende wat die donasie dop kon vashou voordat hulle op 10 Maart weer ‘n slag op Hollandse bodem geland het.

"Ek glo daar is nie enig museum in die wereld met hierdie ‘eye catcher’ nie! Een soort gestyleerde waarskuwende vinger die wys vir behoud en uytbreiding van ‘ons’ museum en verdere ontwikkeling van hierdie omgewing se geskiedenis. Met voldoende bydrae kan hierdie vinger verder graaf in ons verlede," skryf die Van Braaks vanuit Holland.

Hierdie lojale ondersteuners van die uitbreiding van die omgewing se geskiedenis het ook al gepubliseer in die Zuid-Afrikaans/Hollandse klubblad van die NZAW (Nederlands Zuid-Afrika Werkgemeenschap), onder meer ‘n stukkie oor die Long Tom-kanon. Hulle sien uit daarna om vertaalwerk in Hollands te doen om die Soutpansberg omgewing se geskiedenis ook in Nederland uit te brei.

So het die Van Braaks dan ook vir Charles Leach, die skrywer van ‘n boek, ryk aan plaaslike geskiedenis, ... of a lion and Eagle, geskryf.

"Charles, als jy (tyd he, maar ons he dit glad nie) enige boekbespreking oor William Eagle aan my verstuur, sal ek dit ook vertaal en aan die blad ge vir publikasie."