Plaaslike ontwikkelaars kan nou weer aansoek doen om toestemming ten opsigte van verdigting (onderverdeling van erwe, ensovoorts), maar hulle sal eers die fynskrif moet lees...

Vroeër vanjaar het die Makhado Munisipaliteit ‘n tydelike moratorium geplaas op alle vorme van verdigting binne die munisipale area. Dit het gevolg vanweë ondermeer volgehoue druk van die Soutpansberg Belastingbetalersvereniging dat die munisipaliteit verdigting moet staak, aangesien die dorp se infrastruktuur dit net nie kan hanteer nie – spesifiek met verwysing na watervoorsiening, elektristeitsverskaffing en riolering.

Verlede Donderdag het die munisipaliteit tydens ‘n raadsvergadering weer besluit om die tydelike moratorium op te hef, maar daar is sekere voorwaardes aan verbonde. Hul besluit lees dat aansoeke vir verdigting weer volgens die normale proses verwerk sal word, maar onderhewig aan die volgende voorwaardes:

* Dat die Vhembe Distriksmunisipaliteit ‘n vaste teikendatum moet verskaf vir wanneer grootmaat water en riolering verskaf kan word;

* Dat die beperkings wat reeds deur die munisipaliteit se elektrisiteitsafdeling vasgestel is, van toepassing sal bly as deel van die voorwaardes van alle ontwikkelingsplanne;

* Dat goedkeuring van aansoeke streng onderhewig sal bly aan die beskikbaarheid van dienste soos water, riolering and elektrisiteit; en