Inwoners van die dorp wat Francois Barnard ken sal bly wees om te hoor dat dit baie beter gaan met hom, ná sy onlangse nieroor­planting. Hy sterk tans tuis aan en die dokters verwag dat hy baie goed sal herstel.

Die Zoutpansberger het ‘n paar weke gelede berig oor Francois, wat na ‘n paar jaar se sukkel met niere wat beskadig is deur ‘n infeksie, uiteindelik ‘n nieroorplanting moes kry. Sy ma het aangebied om aan hom ‘n nier te skenk en gelukkig vir hom is sy as ‘n geskikte skenker bevind. Sy maak ook goeie vordering en almal hou duim vas dat sy geen nadelige gevolge sal oorhou na hierdie onselfsugtige daad nie.