ADVERTISEMENT:
Wyle mnr. Vincent Ferreira.
Ondersoek volg ná Ferreira-dood
News Date: 14 August 2009
Die polisie op Nelspruit het ‘n geregtelik nadoodse ondersoek geloods na die dood van ‘n voormalige sakeman van Louis Trichardt, mnr. Vincent Ferreira (37).
Mnr. Ferreira, wat op Louis Trichardt die ondernemings PCS Computers en EXP Signs bedryf het, is Saterdagoggend dood in sy bed aangetref. Sy dood kom sowat drie maande nadat hy Louis Trichardt verlaat het.
Die polisie op Nelspruit het Woensdag bevestig dat ‘n geregtelik nadoodse ondersoek geloods is om uit te vind wat die oorsaak van mnr. Ferreira se dood was. Die ondersoek sou Donderdag, 13 Augustus, gedoen word.
Intussen het mev. Sybil Bonthuys, ‘n jarelange kennis van mnr. Ferreira, gesê dat daar nog geen begrafnisreëlings getref is nie, maar dat mnr. Ferreira na alle waarskynlikheid veras en sy oorskot na Louis Trichardt gebring sal word.
“Rus in vrede my kind. Ons sal weer ontmoet eendag in God se teenwoordigheid,” het mev. Bonthuys gesê.
Written by
Andries van Zyl
Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.
ADVERTISEMENT: