Een van die koerant se lesers wat vanoggend verby die Ingwe Hotel op die N1-noord gery het, het hierdie foto ingestuur van ‘n bus wat neus-in-die-lug te lande gekom het teen die berg. So ver die Zoutpansberger kon vasstel het die bestuurder beheer verloor oor sy bus, nadat die remme onklaar geraak het. Niemand is ernstig beseer in die voorval nie en reddingswerkers was teen 10:00 nog besig om te spook om die bus te verwyder.