Jessica McMurtrie, O/19-atleet van Hoërskool Louis Trichardt, ontvang die trofee vir die beste senior meisiesveldatleet tydens die jaarlikse interhoër atletiekbyeenkoms wat op 24 Februarie by die Peter Mokaba stadion in Polokwane aangebied is. Jessica het baie goed presteer in gewigstoot. Ses skole het deelgeneem. Die Triegie meisiesatlete het ‘n derdeplek behaal,die seuns ‘n vierdeplek en die skool het algeheel vierde geëindig. Die eerste drie skole is Pietersburg Hoërskool, Merensky en Tom Naudé, wat 10 punte meer as die Triegies behaal het. Die sangbeker het aan Hoërskool Frans du Toit gegaan. “Die Triegies op die pawiljoene was ongelooflik gedissiplineerd en ons is trots op hulle,” sê die skoolhoof, mnr. Henry Denner.