Leerlinge van die Hoërskool Louis Trichardt het verlede Vrydag (16de) die litte los gemaak na die lang Desembervakansie met ‘n pretdraf. Ten spyte van die snikkende hitte was daar baie glimlagte en lawwigheid te sien.

Dié geleentheid is al tradisie by die skool en vir die nuwe klomp Graad 8’s is dit die eerste ampetlik byeenkoms wat hulle by die hoërskool meemaak. Elke kind in die skool moet deelneem, alhoewel nie almal nouwendig hoef te draf nie.