Laerskool Louis Trichardt se rugbyspanne het verlede week hul eerste ligawedstryd van die seisoen gespeel.

Hulle het Dinsdag (12de) te staan gekom teen Laerskool Pietersburg. Die kompetisie was van meet af straf gewees, en dit het baie dissipline van Triegies se spelers geverg om punte te kon aanteken.

Die derdespan speel hulle wedstryd gelykop en die tweede­span wen 21-12. Dit was egter die eerstespan wat ‘n wegholoorwinning behaal het deur hul teenstanders oortuigend met 40-7 te klop.
Alhoewel die netbalwedstryde dié dag net vriendskaplik was, het Laerskool Louis Trichardt baie goed gevaar. Die O/13A en B-spanne klop albei hulle opponente.

Die skool het na afloop van die wedstryde al die ouers en borge bedank wat dit moontlik gemaak het vir die spanne om te kon gaan deelneem.