ADVERTISEMENT:
Gewilde Soutpansberg Bergwedloop weer aangebied
Sport Date: 24 September 2004
MAKHADO (LOUIS TRICHARDT) – Die Soutpansberg Atletiekklub sal op 2 Oktober weer optree as gasheer van die uiters gewilde en moordende Soutpansberg Bergwedloop.
Dié halfmarathon (21,1km) word deur baie atlete geag as een van die moeilikste wedlope op die wedloop kalender, aangesien ‘n groot deel van die wedloop oor styl bergpasse beslis word.
Die Makhado Munisipaliteit en Coca-Cola Fortune sal weer vanjaar optree as borge. Die halfmarathon sal om 07:00 wegspring by die klubhuis in Bredastraat. Stappers sal reeds om 06:30 wegspring, terwyl die 6 kilometer pretloop om 07:15 sal begin.
Deelname beloop R30 vir die halfmarathon en R15 vir die 6-kilometer item. Tydelike lisensies sal R10 kos. Daar sal afstandaanduiders wees elke een kilometer, met waterpunte elke drie kilometer. Wat pryse betref, sal daar kontant pryse wees vir alle kategorie wenners. Goue medaljes sal ook aan elke kategoriewenner uitgedeel word en silwer vir die daaropvolgende vyf atlete. Alle atlete wat die wedloop voltooi sal brons medaljes ontvang.
Die afsnytyd vir atlete is 09:30, waarna daar om 11:00 ‘n prysuitdeling sal wees.
Vir meer inligting, skakel Hester Bester by tel. (015) 516 0164 (w) of 082 777 0292. Alternatiewelik kan Hennie Coetzee geskakel word by tel. 082 929 8154.
Written by
Andries van Zyl
Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.
ADVERTISEMENT: