Search for a story:

CP en Alan wys hul staal teen wêreld se bestes

Sport - Date: 18 March 2019

Written by: Anton van Zyl / Viewed: 473

 

Oud-Triegie CP van Wyk en sy spanmaat van Tzaneen, Alan Gordon, is goed geplaas om onder die topjaers te eindig in die moordende Cape Epic bergfietswedren. Ná Maandag se eerste skof is hulle algeheel in die 36ste plek, net meer as 42 minute agter die voorlopers, Nino Schurter en Lars Forster van Switserland.

Die Cape Epic word beskou as een van die taaiste bergfietskompetisies in die wêreld. Dit word beslis oor agt dae oor 630 moordende kilometers. Die kompetisie lok ook jaarliks die wêreld se beste bergfietsryers wat in spanne van twee deelneem. Die spanlede moet te alle tye bymekaar bly op die roete.

Die Cape Epic het Sondag afgeskop met ‘n 21 km roete wat begin en geëindig het by die Universiteit van Kaapstad. CP en Alan het ‘n billike vertoning gelewer en algeheel 33ste geëindig. Sondag se skof was egter net ‘n voorloper vir die wedren en ‘n geleentheid vir die jaers om gewoond te raak aan die Kaapse berge. Dit is gewen deur Schurter en Forster.

Maandag se skof is oor 111 km beslis en die ryers moes 2 700 meter klim. Die roete het in Hermanus begin en geëindig. Die eerste Suid-Afrikaanse span terug was dié van Alan Hatherley en Matthew Beers. Hulle het in die agste plek, net meer as10 minute ná die voorlopers, geëindig.

CP en Alan, wat vir Insect Science Pro jaag, was die agste Suid-Afrikaanse span tuis ná afloop van Maandag se skof. Hulle is 34ste in die senior mans-kategorie. Wat hul vertoning besonders maak is die feit dat beide van hulle nie professionele fietsryers is nie. CP werk in Stellenbosch en neem as amateur deel.

Dinsdagoggend spring die spanne weer in Hermanus weg en hulle durf dan ‘n 90 km roete aan wat by Oak Valley Estate in Grabouw eindig. Die jaers klim sowat 2 250 meter gedurende die skof.

Die Cape Epic eindig Sondag, 24 Maart, by die Val de Vie landgoed in die Paarl.

 

0 Comments

To leave a comment you need to login / register first

Readers are encouraged to comment on articles and express their opinion. The views expressed by readers should in no way be perceived as necessarily that of the newspaper or its staff members. Comments may be pre-moderated by our team and if found offensive, be removed.

When commenting, please respect others. Be polite to all the members of our community, including other commenters, authors and the subjects of articles. We believe strongly that the Zoutnet group of websites should be a safe and welcoming space for all individuals, groups and their ideas. As such, any rudeness, insults, hate speech, hostility, or language that incites racism or unfair discrimination may be removed and you may lose your ability to comment. 

Daar is heelwat plaaslike steun vir CP en Alan in die Wes-Kaap. CP se "fietsry-juffrou", Renata Joubert, het 'n draai kom maak en haar oud-leerling kom ondersteun. Foto: Ralda van Wyk.

 

 
 

Anton van Zyl

Anton van Zyl has been with the Zoutpansberger and Limpopo Mirror for over 27 years. He graduated at the the Rand Afrikaans University (now University of Johannesburg) and obtained a BA Communications degree. He is a founder member of the Association of Independent Publishers.

Email: anton@zoutnet.co.za

Recent Articles